كهرباااا .. شد الكوبس !!!

الأربعاء 13 أغسطس 2014 - 08:12 مساءً

كهرباااا .. شد الكوبس !!!

الكاتبه حنان عبد الوهاب

حنان عبد الوهاب تكتب : 
كهرباااا .. شد الكوبس !!! 
 
/@@@@@@@@@@@@
 
دي كانت لعبه سابقة عصرها زمااان اسمها "كهربا .. شد الكوبس" مش عارفة تفاصيلها لاني ماكنتش بلعبها لكن شركة الكهرباء استطاعت تحديث اللعبه وعودتها للحياه وانا واحدة من المؤييدين لما تفعله الكهرباء معنا لكثرة ايجابياتها  لانني لا انظر لنصف الكوب الفارغ واري الجانب الايجابي لحرق الاجهزة الكهربائية بالمنازل ،، المشاكل اللي في البيوت قلت كتيير بعد عدم تصميم الزوجات علي مطلب شراء ميكروويڤ زي جارتها ، لأن ميكروويڤ جارتها اتحرق من الكهرباء ومش عارفه تصلحه ،،  مافيش حد احسن من حد .. لانه ببساطة مافيش حد يقدر يتفاخر بأن تلاجته امريكية ولا يابانية .. دا مافيش حاجة تقدر تصمد امام الكهرباء المصريه .. كله طار عند عودة التيار .. كمان هتلاقي تقارب وتواصل اجتماعي كبير علي صفحات الفيس بوك .. اللي يعرف كهربائي شاطر يا ولاد الحلال .. استطاعت شركة الكهرباء وبنجاح عظيم ان تجبرنا علي الاشتراك في اللعبه واللي مش هيقوم بسرعة يشد الكوبس زنبه علي جنبه ..ماحدش يشتكي ان ماتور الثلاجة ولا الديب فريزر اتحرق لما الكهربا رجعت فجأه
 الله عليكي ياشركة الكهرباء قدرتي تجمعي الشعب علي هم واحد وعلي مشكلة واحدة .. نجحتي في كل مافشلت فيه الاحزاب والائتلافات .. رجعتينا لايام زمااان مش ناقصنا غير الخيمة والجمال



حوارات



إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات