حنان عبد الوهاب تكتب : مواطن وحكومة وحرامى ‎

الثلاثاء 19 أغسطس 2014 - 01:08 صباحاً

حنان عبد الوهاب تكتب : مواطن وحكومة وحرامى ‎

حنان عبد الوهاب

#مواطن وحكومة وحرامي 
في اوروبا والدول المتقدمة تقوم الدولة غصب عن عينها بتعويض المواطن عن الاضرار التي تلحق به بسبب اخطائها ولو شركة الكهرباء بتاعتنا بتعمل كده في اي دولة تانيه كانت الدولة اشهرت افلاسها لانها ببساطة ماكانتش هتصلح مواتير ولا اجهزة كهربائية،، لانها بتشتري جديد!  وغمضت عيني شوية فرأيت فيما يري النائم ان الحكومة عندنا طبقت القانون ده وقمت مفزوعة وحمدت الله انه كان كابوس كل الشعب واقف في طوابير وكل واحد جنبه تلاجة .. تليفزيون .. ميكروييف ..وكل ماأتلفه انقطاع التيار وكلام في سركم واللي اتلفه المواطن بنفسه عشان ياخد جهاز جديد .. الحكومة عارفة ان المواطن حرامي وبيلعب معاها السبع ورقات ..  والمواطن متأكد ان الحكومة بتلاعبه صلح ..  عشان كده اشترت له كونتينر اجهزة كهربائيه صيني تنفجر في وشه اول مايحط الفيشة في الكوبس .. وتبقي اوفت بوعدها وعوضته بجهاز بديل ولاننا شعب مؤمن هنسامح ونقول ده قسمة ونصيب .. ونطلع في مظاهرة نطلب حق الشهيد .. ياخد شارع باسمه و يكتبوا ع الحيط .. كان في زمان مواطن فاكر نفسه حويط يستاهل اللي جري له ..دي حكومة جديدة مش خرج بيت !!
 





إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات