بتاع الكباب

الأحد 02 أبريل 2017 - 10:41 مساءً

 بتاع الكباب

محمد حسن حامد

محمد حسن حامد -  واقف  قدام  بتاع الكباب  ياصاحبى  -كأنك كنت فى ضلمة وفجأة  جه  النور !!!
شفتك مبهور -ده  اسمه  ايه  ياناس ؟اكيد ده  شي تانى  غير الجبنة  والفول - يافقر  غور !!!
والراجل التانى  بيشوى فراخ على نار هاديه -مين بياكل من دول ؟أنا نفسى  انط  السور !!!
 
انا عايش من زمن  -الف الشوارع معايا مكنه  أسن بيها السنون -اجيب قرش من ده ورا قرش -ااكل ولادى الجعانين !اشوف اللحمة والفراخ -اقولهم ليه مخاصمنى -دنا مسكين !!!
انا برضه  ابن ناس  كان ابويا شويش فى الجيش  اترقى وبقى بلوكامين !!!
حارب فى سبعة وستين  وفى تلاتة وسبعين  وقتل من اليهود -كتير فى بورسعيد  راس  التين !!!
 
مات  ابويا  من زمن  وهو بيصلى  ويحلف اليمين -وسبنا غلابة من غير  ميراث -أو فلوس فى البنك -سبنا حيرانين -
أمى اشتغلت تبيع فى السوق كوبيات قزاز وحلل م الصين _ وانا اشتريت ماكنه  تسن البلط والسكاكين !!!
واخواتى تركوا التعليم وكل واحد دور على شغله -اخويا الكبير كان يبيع تين شوكى على النواصى وفى الميادين !!!
 
(واللى بقى حيرنى أنى  مش عارف  ايه  فجأة جرالى -انا كنت أمر على الناس اللى بتشترى كباب  أو فراخ  مشويه -وكأنى مش واخد بالى -دلوقتى بقيت  ابحلأ -وشوف ودقق -نفسى ياناس  اكلها مره !وادوق طعمها -طب  بلاش  ادقها !حد  يقولى طعمها  ايه -يمكن ده يريح  بالى -وانام متهنى بحالى -وبكره  اسيب  ابو الكباب والفراخ  المشويه -واروح حارة ولاد  الايه   كمان   السماكين !!!)
 





ولعملاء يمكنك الاشتراك بسهوله فى خدمة الاخبار العاجله المقدمه من موقع اسماعيلية اون لاين




إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات