عروسة مصرية..ونضرب عصفورين بحجر واحد..!!!

الأربعاء 25 يوليو 2012 - 10:28 مساءً

عروسة مصرية..ونضرب عصفورين بحجر واحد..!!!

مــجدى الــجــندى

 

 

فاكرين لما أنا كتبت من فترة مقالة ( صغننة )..عنوانها (اسرائيل وشهرتها سيناء)..وغنينا مع بعضنا..اغنية سينا رجعت كاملة لينا..ومصر اليوم فى عيد..ياللى من البحيرة وياللى من اخر الصعيد ياللى من العريش الحرة او من بورسعيد شاركو معانا فرحنا السعيد..وعرفنا اننا بنحب بلدنا ..بس بالأغانى والرقص وهز الوسط.وعشان مطولش عليكم ليلتكم .. وداخل علينا ايام عيد..وكمان احنا  فى ايام مفترجة  ..عايز آخد رأى جناب المواطن المصرى اللى بيحب مصر من قلبة مش بالرقص وهز الوسط..وشعار جحا افندى وانا مالى..!!  المهم يا اساتدة ..ان بلدنا سيناء مش بتاعتنا  احنا كنا محافظين عليها أمانة..عندنا وحان ياجماعة وقت رد الامانة لأصحابها..وعشان تبقى الحكاية مسبوكة ع الآخر!!!هنعمل حكاية تزويج المصرات للأخوة الفلسطنيين ..هى طبعا موجودة من زمان ..بس دلوقتى تم السماح بيها رسميآ..وآهو..آدينا هنحل جزء من مشكلة العنوسة التى ارتفعت ارقامها لحد السما..وبالمرة هنقضى على ارتفاع تكاليف الزواج والمهولة.والشبكة والعفش.والشقة وكمان ضل راجل ولا..ضل حيط.!! المهم يا جناب المواطن المصرى أفندى ..لما الاخ الفلسطينى يتجوز بنتنا المصرية وولادة طبعا من حقهم الحصول على الجنسية المصرية علشان الست هانم أمهم مصرية الأصل وبنت أصول..!!وكدة بقى يبقى من حقهم يتملكو أراضى زراعية ومبانى فى سيناء ..والتى فشل أبناء مصر طوال السنين اللى فاتت كلها وحفى ..علشان يعيش بالأيجار فى سيناء ..وعانينا كثيرآ من المشروعات الوهمية التى تندرج تحت مسمى تعمير سيناء.!!وطبعآ هناك تمويلات اجنبية لمساعدة شباب فلسطين لأتمام الزواج فى اسرع وقت..وبكدة نبقى ضربنا عصفورين بحجر واحد..حلينا مشكلة العنوسة..وضيعنا سيناء من غير مانضرب طلقة واحدة فى الهوا ..وآهو زيتنا فى دقيقنا..!!!.

 






إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات