أحدث الأخبار:

ملفات بالشطة والليمون

السبت 27 أكتوبر 2012 - 03:45 مساءً

ملفات بالشطة والليمون

مجدى الجندى

 

مجدى الجندى - بما أن القضايا المنشورة منذ سنوات ورائحتها تزكم الأنوف ومازالت حبيسة الأدراج..قرننا نحن الغلابة تحويلها الى وجبة غذائية سهلة الهضم على السادة المسؤلين واصبحت ملفات الفساد بالشطة والليمون .أكيد طعمها

 

 هيكون حلو  وحراق...بس معنديش المقدرة فى التوصل الى ان يكون هناك واحد ابن حلال ناوى يعمل حاجة . ويكشف لنا الحقائق..
المهم ياسادة ياكرام .فى يوم من الأيام فتحنا ملف الأراضى بالاسماعيلية والجمعيات الزراعية والكيماوى والاستيلاء علية بحيازات مضروبة وجمعيات نشاطها فقط سرقة ونهب اراضى الدولة والأعضاء والذى منة ..
وكمان فتحنا ملف عقد بيع ارض شركة الملابس الجاهزة بالشيخ زايد وتدمير الشركة والغاء نشاط انتاج الملابس الجاهزة وكانت على فكرة شركة ناجحة جدآ ودلوقتى بيستعدوا لبيع اراضيها لبناء ابراج سكنية رغم ان عقد البيع والتخصيص يؤكد انة فى حالة انشاء مشروع غير الغرض المخصصة لة الارض تسحب فورآ ..وعندنا كمان ملف جامد قوى بمرقة الدجاج ..اخزنا الشيخ صالح اشترى شركة الدواجن برخص التراب .وهدم حوالى 17محطة لأنتاج الدواجن وساوم العديد من العمال على المعاش المبكر ويريحوا دماغهم ..وأنشأ..شركة للأستثمار العقارى من داخل شركة الدواجن استعدادآ لأنشاء منتجع سياحى ممتد من أول سرابيوم الى شاطئ قناة السويس آى واللة..وعندنا بقى ياجماعة الخير ملف شركة الترانزستور (الراديو والتليفزيون) تليمصر  يعنى يمكن مش فاهمين!!الراجل باع خطوط الأنتاج وبيستورد شاشات مضروبة ومستعمله من الصين وناوى يغير  نشاطة الى انتاج البوتاجازات وحاجات كتيرة ملهاش علاقة بما يتضمنة العقد وللعلم أرض الترانزستور ياجماعه ملك لهيئة قناة السويس يعنى ممكن تستردها
 فى أى وقت بس فين الناس اللى بتخاف على بلدها  وكمان عندنا ارض تم تخصيصها لأنشاء متحف جديد للأسماعيلية بجوار ارض فوديكو خلف المستشفى الجامعى والمعهد الصحى وبتوع الأثار استلمو ا الأرض من 15سنة ولم نرى المتحف حتى هذة اللحظات  رغم ان القرار الصادر بشأن التخصيص يقول تسحب الأرض فى حالة التقاعس عن انشاء المشروع المخصصة من اجلة ويجدد ثلاثة أعوام اخرى..و فى حالة ظهور نوايا جادة للبدء فى المشروع   ولم تسحب الارض ولم ينشأ المتحف..مش قلت لكم ملفات بالشطة والليمون مش مصدقينى ..
 







إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات